GEC EWE Hymn

GEC Ewe Hymn 409

Stanza 1
Esi wodzi mí la,
Dzi ladzɔ mí tso!
Miadzi dzidzɔhawo
Egbegbesia hã!

Stanza 2
Avi sɔ gbɔ fisia
Kple fukpekpe fũ,
Ŋɔdzi geɖe hã li
Seɖe mía ku me.

Stanza 3
Avi dzi ko mianɔ,
Ðe xɔla meli o;
Gake Yesu tso dzi
Va ɖe amewo.

Stanza 4
Ðe emeva o la,
Ameka ‘te ŋu
Ayɔ Yehowa be:
Mawunye nènye?

Stanza 5
Azɔ enyo na mí,
Nɔviwo katã,
Be míatsɔ mía ɖokui
Ad’ asi nɛ faa.

Stanza 6
Ne amewo wonya
Nusi xɔlaa wɔ,
Geɖe atrɔ vavã
Azu Krsito tɔ.

Stanza 7
Krsitotɔwo wokpɔa
Dzidzɔ kple fu hã,
Dzika hã tsoa wo ƒo,
Vɔvɔ̃ ɖoa wo hã.

Stanza 8
Ke ne wowu mo dzi
Hekpɔ dziƒo la,
Wokpɔa ŋutifafa
Kple dzideƒo ɖaa.

Stanza 9
Woƒ’ Aƒetɔ nyui la
Le wo ta kpɔm ɖaa.
Edoa ŋusẽ wo hã
Be woadze ‘yome

Stanza 10
Mlɔe ke la ava dzaa,
Alé woƒe asi,
Akplɔ wo ayi dzi,
Be woanɔ egbɔ.

Stanza 11
Fima fu kple avi
Ðeke meli o.
Dɔléle kple ku hã
Wo katã nu tso.

Stanza 12
Dzi ladzɔ wo tegbee,
Wo ŋuti lafa,
Woakafu wò, Yesu,
Ðela nyui la, ɖaa.

LEAVE A REPLY

Please enter your comment!
Please enter your name here