GEC EWE Hymn

GEC Ewe Hymn 403

Stanza 1
Yehowa, wò, mía Mawu
Míeva aƒewò me,
Bena ne míatsɔ ŋutsu
Kpakple nyɔnu sia hã
De wò ameyrasi me.
Kpɔ nublanui na wo,
Yra woƒe emevava
Kple woƒe gododo!

Stanza 2
Na woanya wò lɔlɔ̃nu,
Ne woazɔ wò mɔ dzi!
Nyɔ wo ɖe wò nya la ŋu,
Ðe wo tso fũ, hiã, dɔ
Kple tetekpɔwo hã me;
Na ŋutifafa wo
Le srɔ̃gbenɔnɔ la me,
Ne woada ‘kpe na wò!

Stanza 3
O, Yesu Kristo, fia wo
Le dzidzɔ kple fu me,
‘Le si woalɔ̃ wo nɔewo
Yi ɖase ku me ke.
Ne nunya wo tso dziƒo,
Ne woasrɔ̃ dzigbɔɖi,
Atsri dzrewɔwɔ godoo,
Alé lɔlɔ̃ sesiẽ!

Stanza 4
Gbɔgbɔ Kɔkɔe, nàkplɔ wo,
Bene woanɔ dzadzɛ!
Fia gbedodoɖa ɖaa wo,
Yra woƒe aƒeme,
Na woƒe dɔ nayi dzi,
Ne woalé xɔse me;
Ekema woade wo de
Le dziƒodzudzɔ me.

LEAVE A REPLY

Please enter your comment!
Please enter your name here