GEC EWE Hymn

GEC Ewe Hymn 402

Stanza 1
Oo aƒe yayra, afisi woxɔ wò,
Luʋɔwo xɔla Yesu Krsito, le!
Le kplɔ̃ ŋuti nɔlawo katã dome
Wobua wò, wolɔ̃a wò wu wo katã;
‘Fisi wo katã ɖoa dzi ɖe ŋuwò,
Eye wo katã kpɔa wò dzi ɖaa;
wodia wò se kɔkɔe la ko yome,
Eye wodzra wò nya ɖo kple dzidzɔ.

Stanza 2
Oo aƒe yayra, afisi tɔ kple nɔ
Wonye gbɔgbɔ ɖeka le lɔlɔ̃ me;
Esi wokpɔ ɖeɖe ɖeka ma ta la,
Wozɔ xɔse ɖeka ƒe mɔ ma ke,
Eye woku ɖe ŋuwò kple ŋusẽ
Le nyui me kpakple vɔ̃ me hã tegbee;
Wodina be, yewoanɔ gbɔwò ko
Le ŋkeke nyui kple vɔ̃wo me ke hã.

Stanza 3
Oo aƒe yayra, afisi dzilawo
Doa gbe ɖa dea wo viwo asiwò;
Wò, si enye ɖeviwo ƒe xɔlɔ̃ la,
Wò lɔlɔ̃ wu vinɔ ƒe lɔlɔ̃ gɔ̃;
Afisi woƒoa ƒu ɖo va gbɔwò,
Eye wosea wò nyanyui la ƒe gbe,
Woasrɔ̃ nu, alesi woakafu wòe,
Eye ŋuwò wokpɔa dzidzɔ lena.

Stanza 4
Oo aƒe yayra, afisi wo katã
Woɖoa ŋku dziwò, Yesu, kple dzidzɔ.
Oo aƒe yayra, afisi nèyɔa dɔ,
Henyea akɔfala na wo dɔwɔwɔ nu,
Ado go atso xexe vɔ̃ sia me,
Ayi dziƒo mía Fofo la ŋkume,
Afima enye mía de vavã la.

LEAVE A REPLY

Please enter your comment!
Please enter your name here