GEC EWE Hymn

GEC Ewe Hymn 401

Stanza 1
Dzidzɔ yɔ míaƒe dziwo fũ,
Be Mawu kplɔ mí va afii;
Míele ‘kafum kple ŋutete
Kple hadzidzi kple gbe vivi.

Stanza 2
Dziƒogbo la aʋu na mí,
Be yayra sɔŋ nava mía dzi.
Mia Fofo gã le dziƒo ke
Xɔ mi atuu le lɔlɔ̃ me.

Stanza 3
Atsu kpl’a-si woawɔ ɖeka
L’e-gbe ŋkeke kɔkɔe sia dzi;
Nubabla sia woaŋlɔ ɖ’a-nyi
L’a-gbe mavɔ ‘gbalẽ la me.

Stanza 4
Ŋugbetɔ, siwo le afii,
Míekpɔ dzidzɔ le mia ŋuti;
Mawu, Dzitɔ la, le mia yɔm
Hena ‘ƒe dɔ kɔkɔe la hã.

Stanza 5
Mawu ŋutɔ axɔ na mí
Le fu kpakple nuxaxa me!
Kpekpeɖeŋu eli na mi.
Yesu, Aƒetɔ, li kpli mi!

LEAVE A REPLY

Please enter your comment!
Please enter your name here