GEC EWE Hymn

Stanza 1
O, ɖe makpɔ aɖe akpewo
Kple nu akpeakpewo hã!
Ekem matsɔ nye gbe akafu
Wò, Mawu ƒe dɔmenyonyo,
I: Aɖe gbeƒã wò nu nyui gã, :I
I: Siwo katã nèwɔ nam la :I

Stanza 2
Nu ka miezi kpi, nye ŋusẽwo?
Mikɔ gbe dzi kple mo vevi,
Ne miatsɔ Mawu ƒe dɔwɔwɔ
Adzi kafukafuha nɛ!
I: Nye ŋutilã kple luʋɔ siaa, :I
I: Mikafu Mawu kple dzidzɔ! :I

Stanza 3
Mi aŋgbawo katã le gbedzi,
Miʋa, ne miaƒu akpe kplim
Mi gbewo kple seƒoƒowo keŋ,
Siwo Mawu ɖo atsyɔ̃ na:
I: Mifɔ ta dzi, ne miadzi ha :I
I: Na Mawu, miaƒe wɔla gã! :I

Stanza 4
Kafukafu na wò, nye Mawu,
Le nu sia nu, si nènam, ta!
Kafukafu na wò, Mawuvi,
Le wò dɔmenyonyo gã ta!
I: Makafu wò, Gbɔgbɔ Kɔkɔe, :I
I: Be nèwɔm agbe mavɔ vi! :I

Stanza 5
Madzi ha le wò dɔmenyo ŋu,
Ne nye aɖe le ʋaʋam ko.
Matsɔ dzidzɔvɔsa vɛ na wò,
Ŋkeke ale si mel’a-gbe.
I: Ne ŋusẽ vɔ le nye nu ŋu, :I
I: Ekem nàxɔ nye hũɖeɖe! :I

Stanza 6
O Mawunye, ve nunye, nàxɔ
Nye kafukafu maɖinu!
Ava nyo wu le dziƒo xoxo,
Ne manɔ wò dɔlawo gbɔ.
I: Mía kple kɔkɔetɔwo míadzi :I
I: Haleluya na wò ɖaa si! :I

LEAVE A REPLY

Please enter your comment!
Please enter your name here