GEC EWE Hymn

GEC Ewe Hymn 399

Stanza 1
Wò ŋutifafa la nanɔ dzinye me,
Ŋutifafa me ko wò dɔ yia dzi le;
Na bena, maɖu nu vɔ̃ ʋa la dzi keŋ,
Li ke nye fafa!

Stanza 2
Nye xexeme la xɔa dzo ɖem gbe sia gbe,
Eye akɔfafa hã meli nam o.
Le ʋuʋudedinyigba vɔ̃ sia dzi la,
Mehiã wò fafa.

Stanza 3
Na ŋutifafa tɔwò, si wote kpɔ,
Bena nye luʋɔ la nagakpɔ ŋusẽ,
Bena ne xexe sia me gbɔgbɔ vɔ̃wo
Maɖu dzinye o!

Stanza 4
Aƒetɔ, na wò ŋutifafa nye hã
Le nye aʋa sesẽ siawo wɔwɔ me,
Eye nàna xɔse ƒe fiakuku la
Nasu asinye!

Stanza 5
Xexeme vɔ̃ sia me agbenɔnɔ la,
Xaxa kple hiã ƒ’a-ʋawɔwɔ sɔŋ wònye
Aƒetɔ, ne megbɔdzɔ la, nàɣlam ɖe
Ŋutifafa me!

Stanza 6
Le ku ƒe kametete mlɔɛtɔ la me
Na be, wò dɔla ƒ’a-ʋala sesẽ la
Naɖem tso aʋawɔwɔwo me yi ɖe
Fafa mavɔ me!

LEAVE A REPLY

Please enter your comment!
Please enter your name here