GEC EWE Hymn

GEC Ewe Hymn 392

Stanza 1
Fofonye, wòe ɖo dzɔgbenyui
Kple dzɔgbevɔ̃e siaa da ɖi nam.
Maxɔ ɖe sia ɖe kple akpe,
Wò lɔlɔ̃ ayra wo kple ‘ve.

Stanza 2
Wò ame si nya nu sia nu,
Wò koe nya nu si ke nyo nam;
Wò koe kpɔa nyui, si fu sia fu
Ahe vɛ nam le mavɔ me.

Stanza 3
Ne viviti sɔŋ ƒo xlãm keŋ,
Eye luʋɔnye gbɔdzɔ hã,
Wò koe nye nye mɔkpɔkpɔ ɖaa,
Kple nye kekeli le zã me.

Stanza 4
Dzi nagaɖe le ƒonye o!
Mawu nya agba, si wòɖo!
Enya nu si zu veve nam,
Ate ŋu ‘na nu si hiãm lam.

Stanza 5
Enuenu mefa konyi,
Enuenu wòe xɔ nam hã.
Fiẽ la mefa avi, gake
Ŋufɔke zua dzidzɔgbe nam.

Stanza 6
Èlɔ̃a xɔxɔname vavã,
Èwɔa wò nya dzi na mí ɖaa.
Ègblɔ nam be: Mègavɔ̃ o!
Xɔm se ko, ‘ye nàkpɔ xɔxɔ!

LEAVE A REPLY

Please enter your comment!
Please enter your name here