GEC EWE Hymn

GEC Ewe Hymn 391

Stanza 1
Ne Kristo nye tɔnye vavã,
Konyi ka mahafa?
Ðe woama mía dome?
Ame ka agaxɔ dziƒo,
Si Yesu tsɔ nam la,
L’a-sinye sesẽtɔe?

Stanza 2
Naneke menɔ asinye,
Esime wodzim ɖe
Xexe sia me la, o.
Ne magadzo l’a-fi hã la,
Madzo yi ƒuƒlu ko
Abe vɔvɔ̃li ‘ne.

Stanza 3
Ŋutilã kple kesinɔnu
Mawu tɔ ko wonye,
Eya ŋutɔ na wo.
Ne elɔ̃ be, yeagaxɔ wo,
Nexɔ wo! Ke nye la
Makafui kple dzidzɔ!

Stanza 4
Ne eɖo atitsoga ɖẽm,
Ŋɔdzi kple, vɔvɔ̃ ɖom,
Ðe mabu ŋuɖoɖoa?
Mawu agatrɔe bubu nam,
Eya ko nya nu si
Ava trɔ zu nyui nam.

Stanza 5
Mawu na dzidzɔgbe geɖem;
Ne veve va azɔ,
Ðe nyemado dzi oa?
Nyateƒetɔe nye mía Mawu;
Ehea to na via ko;
Ke magbee keŋkeŋ o.

Stanza 6
Ele be, Kristotɔ nafia
Eɖokui ‘fi sia ‘fi
Dzideƒotɔ vavãe
Ne ku be, yeatugui hã la,
Magabu dzideƒo
Le naneke me o.

Stanza 7
Ku mate ŋu awu mí o;
Ke ahe mía gbɔgbɔ
Tso vevewo keŋ me.
Atu fuwo ƒe agbo la,
Aɖe mɔ, be míayi
Dziƒodzidzɔ la me.

Stanza 8
Nu ka xexemenuwo nye?
Ke ‘siƒlo ɖeka koe,
Dzi ƒe nuxaxa sɔŋ!
Dziƒo ko nu xɔasiwo le;
Afi ma maɖi kɔ
Le dzidzɔ mavɔ me.

Stanza 9
Yesu, wò, dzidzɔ ƒe vudo,
Mía kpli wò míebla nu;
Míagaklã akpɔ o.
Wòe tsɔ wò agbe kple wò ʋu
Ðe ku me le tanye,
Bena manye tɔwò.

Stanza 10
Tɔnye wò hã nènye azɔ;
Malé wò ɖ’a-si ko
Le lɔlɔ̃ me tegbee.
Do ŋusẽm be mad’a-fi si
Mía kpli wò miade ha
Le agbe mavɔ me!

LEAVE A REPLY

Please enter your comment!
Please enter your name here