GEC EWE Hymn

GEC Ewe Hymn 381

Stanza 1
Yesu, na maɖu dzi! Xɔ nam agbefia!
Vivitiŋusẽ la te ɖe dzinye;
Eƒe aʋakɔ doa ŋɔdzi nam ɖaa si,
Nye gbegblẽ, nye gbegblẽ ko dim wòle.
Etsɔa ayedzedze vlo sɔŋ ɖoa tame,
Be matra mɔ la, luʋɔnye natsrɔ̃ keŋ.

Stanza 2
Yesu, na maɖu dzi! Konyi fam mele:
Nye gbegblẽ blibo le ŋkunye me ɖaa.
Ne nye ɖevimenu vɔ̃wo bu fɔm la,
Fa ‘kɔ nam, wòe nye gã wu míaƒe dzi.
Nye nu vɔ̃ tsãtɔ nabɔbɔm ɖ’a-nyi ko,
Be maɖo ŋku wò vɔsasa kɔkɔe dzi!

Stanza 3
Yesu, na maɖu dzi! Ðe nu vɔ̃ lɔlɔ̃,
Si ƒo ke ɖe to, ɖa le nye dzi me
Ði nam be Gbɔgbɔ Kɔkɔe naɖu dzinye;
Nekɔm ɖe dzi bena manɔ dzadzɛ!
Nàhem ɖe gbɔwò, manɔ wò akɔ nu,
Be nye luʋɔ kpakple gbɔgbɔ nahaya!

Stanza 4
Yesu, na maɖu dzi, ne medo gbe ɖa!
Manɔ ŋudzɔ abe wò ene hã.
Ke wò ŋutɔ nàxɔ nye nya ɖ’a-kɔ dzro,
Wòe do ŋugbe bena, yeade mía dzi.
Ne ɖeɖi te ŋunye, zã do ɖem hã la,
Yesu, nɔ gbɔnye, bene nàfa ‘kɔ nam!

Stanza 5
Yesu, na maɖu dzi, be wòadze dzi nam,
Be makpɔ dziɖuɖufetu vavã!
Ekem madzi dzidzɔha vivi na wò,
Matso aseye, akafu wò ɖaa.
Mado wò ŋkɔ gã ɖe dzi tso nye dzi me,
Esi nèwɔ nu gã gã siawo nam ta!

LEAVE A REPLY

Please enter your comment!
Please enter your name here