GEC EWE Hymn

GEC Ewe Hymn 377

Stanza 1
Wò, Yesu, me ko manɔ,
Esia nye nye ɖoɖo.
Naneke manyam ɖa o,
Va se maɖo dziƒo.
Matsɔ dzidzɔ manyagblɔ
Ado ɖe ŋkuwò me;
Mavo tso fu sia fu me,
Gbe si gbe nàgava.

Stanza 2
Ŋu makpe mí l’a-fi ma
Le eƒe ŋkume o.
Ne míenya Yesu l’a-fi,
Yesu hã anya mí.
Ne mena eƒe ʋu la
Naklɔ ŋutinye keŋ,
Atsɔ nye nu vɔ̃ akem,
Axɔm ɖe ‘ɖokui gbɔ.

Stanza 3
O Yesu, na wò ŋusẽ
Nanɔ menye blibo!
Ekem ne megbɔdzɔ hã,
Na manɔ mewò ko!
Ne àgbe tso dziƒo la,
Màdo ŋɔdzi nam o;
Wò la àɖo ŋku dzinye,
Be nye hã me nènɔ.

LEAVE A REPLY

Please enter your comment!
Please enter your name here