GEC EWE Hymn

GEC Ewe Hymn 370

Stanza 1
Dziƒo, dziƒo míaɖo tae
Tso xexe sia me!
Nu si ke míedina la,
Míakpɔe l’a-fi o,
Le dziƒo ko.
Afi nyui kple vɔ̃ ɖoa li,
Afi ma ko míaɖakpɔ
Dzidzɔ mavɔ!

Stanza 2
Wu mo dzi, kpɔ dziƒo ko
Ŋdi me gbe sia gbe!
Xexe sia me mɔzɔzɔ,
Ele kpuie ŋutɔ.
Ðe kuku ɖaa:
Mawu, wòe yɔm na dziƒo,
Do ŋusẽm bena, mazu
Nyateƒetɔ!

Stanza 3
Dziƒo nye wò taɖoƒe,
Si Mawu fia wò.
Eya ta megalé be
Na xexeame o!
Tsri vɔ̃ sia vɔ̃!
Nu nyui, siwo nàdzra ɖo
Ðe dziƒo la, ko woanye
Viɖe vavã.

Stanza 4
Dziƒo ko dzi nàɖo ŋkui
Le xaxagbe hã!
Fofo, nuteƒewɔla,
Ele dziwò kpɔm.
Nu ka nàvɔ?
Le dziƒokekeli me
Mànya xaxa ‘ɖeke o!
Dzi nadzɔ wò!

Stanza 5
Dziƒo ke mɔzɔha gã
Le yiyim kpli wò.
Le dziƒo ƒe dzidzɔ ta
Wolɔ̃a kplea fu faa.
Zɔa mɔ kpli wo!
Ʋlia xɔse ƒe ʋiʋli nyui!
Nyae be, fukpekpe me ko
Dziƒomɔ to!

Stanza 6
Dziƒo Yesu Kristo yi,
Heto ku me ke;
Wò hã zu ‘ƒe nusrɔ̃la,
Dze eyome tẽ!
Edo dzi kpoo.
Wò hã lé Mawu ɖ’a-si,
Nɔ gbe dom ɖa nɛ vevie!
Ʋli, nàɖu dzi!

Stanza 7
Dziƒo Mawu akplɔ wò
To gbedzi sia yii.
Etsɔa dodokpɔ kple fu
Hea wò va egbɔ
Le lɔlɔ̃ me.
Àvo tso xexe sia me,
Àkpɔ dzideƒo geɖe
Ayi dziƒo!

Stanza 8
Dziƒo ko nàyi mlɔe ke
To kubalia me.
Ne edo vɔvɔ̃ na wò
Ɣeaɖewoɣi hã,
Do dzi! Do dzi!
Ŋu ake le zã megbe,
Le ku megbe àdo ɖe
Fofowò gbɔ!

Stanza 9
Haleluya! Dziƒo ko
Wò akpe nade!
Ha gã aɖe akpe ta ɖi
Akafu Mawu
Tegbetegbee.
Vevewo katã va yi
Eye woadzi ha yeye
Yi mavɔ me.

Stanza 10
Haleluya! Míawo hã
Míadzi ha yeye!
Míakpɔ Yesu, mía ɖela,
Kple dzidzɔ geɖe.
Mikafui ɖaa!
Eɖu ku dzi, le agbe,
Na dziɖuɖu míawo hã!
Mikafui ɖaa!

LEAVE A REPLY

Please enter your comment!
Please enter your name here