GEC EWE Hymn

GEC Ewe Hymn 363

Stanza 1
Wò, Mawuvi, nye nye kekeli,
Nye kplɔla nyui hã nènye ɖaa.
Wò, wò ko metsɔ ɖokuinye na,
Nye ŋutilã kple luʋɔ siaa!
Nyemaganɔ ɖokuinye si o,
Wò ko nànye kplɔla nam ɖaa he!
Nàkplɔm adoe, akplɔm avɛ.
Aƒetɔ, se nye kukuɖeɖe,
Eye nàkplɔm le nu sia nu me;
Wò manɔme nyemazɔ o.

Stanza 2
Ne wòekplɔm la, nyematra mɔ o;
Wò nya lia ke ɖikeɖikaa.
Wòegblɔ be, ye ŋku akplɔm dedie,
Ye ŋkume anɔ ŋgɔnye zɔm.
Na wò nublanuikpɔkpɔ naxɔm,
Além ɖ’ asi sesĩe, anɔ kplim!
Nye hã viwò ko manye ɖaa,
Mayɔ wò ŋkɔ le nusianu me;
Ne èdɔm la, mawɔ wò nya dzi.
Aƒetɔ, xɔ nam gbesiagbe!

Stanza 3
Wò koe nya ŋutifafamɔ la
Kple mɔxenu, siwo li, hã.
Eya ta nàhem tso mɔ sia mɔ,
Si akplɔm yi nu vɔ̃ me, dzi!
Mègana matra mɔ gbeɖe o,
Nu dzodzroa-ɖeke nagablem o,
Ne nua le dzedzem nyui gɔ̃ hã.
Nàlé nye luʋɔ ɖ’a-si sesiẽ,
Wò ŋku nanɔ ŋunye ɖaa vevie!
Manɔ ŋudzɔ ado gbe ɖa.

Stanza 4
Aƒetɔ, nawɔm viwò vavã,
Si aɖo to wò ɖaa tegbee!
Wò lɔlɔ̃nu kɔkɔe blibo la
Nafia nye mɔ kple taɖoƒem!
Nyemegale nu bubu dim o,
Naneke megale dzroyem o,
Negbe wò ŋkɔ ƒe bubu ko.
Eya ko ta manɔ agbe ɖo,
Naneke magablem tso ‘gbɔ o;
Tɔwò ko menye keŋ azɔ.

Stanza 5
Na wò Gbɔgbɔ nakplɔm gbe sia gbe,
Ne manɔ gbe dom ɖa na wò!
Madzra wò nya ɖo le nye dzi me,
Ne wòado ŋusẽ nye luʋɔ.
Na bena, mazɔ le wò ŋkume,
Aŋlɔ nu si le megbenye be,
Nàhe nye dzi ɖe gbɔwò ko!
Na wò agbe natsi le menye,
Ne nàkpɔ kutsetse tso gbɔnye;
Nàtrɔ nye nɔnɔme blibo!

Stanza 6
Ale makpɔ dzidzɔ gbesiagbe,
Madzudzɔ le akɔwò me.
Tso wò agbɔsɔsɔ gbãgo me
Maxɔ amenuveve ɖaa.
Azɔ madze agbagba vevie,
Eye manɔ klalo naku.
Va kplɔm, naxɔm tso xexe sia me,
Bene mava nɔ gbɔwò tegbee,
Akpɔ agbe mavɔmavɔ!

LEAVE A REPLY

Please enter your comment!
Please enter your name here