GEC EWE Hymn

GEC Ewe Hymn 357

Stanza 1
Nyemaxa nu le agbehiã me o,
Fiakuku hã medzrom l’a-fi sia o,
‘Fi si nye ɖela ɖɔ ŋukuku.
Nyemadi agbe vivi aɖu o,
‘Fi si woklã nye xɔla ɖ’a-ti ŋu,
Eye wòku vɔ̃wɔla ƒe ku.

Stanza 2
Yesu, na wò nyateƒenyanyui la
Nafia agbemɔ vavã lam ɖaa si.
Wò Gbɔgbɔ Kɔkɔe nakplɔm le ‘dzi.
Dzi, si lɔ̃a ɖokuibɔbɔ la, nànam,
Mato mɔ dzɔdzɔe, xaxɛ, tsakli ma,
Si dzi wò afɔ kɔkɔe hã zɔ.

Stanza 3
Na manye nuteƒewɔla na wò,
Eye xɔse vavã ƒe kutsetse,
Lɔlɔ̃ blibo, dzo kɔkɔe nànam.
Eye manɔmee nyemayi ŋgɔ o.
Lɔlɔ̃ koe dea lɔlɔ̃ míaƒe dzi me,
Eya ko akplɔm ava gbɔwò.

Stanza 4
Lɔlɔ̃ sɔŋ nètsɔ hem, meva gbɔwò;
Gake mɔ xaxɛ, klitsa gadidi,
Si mazɔ ade dziƒo gbɔwò.
Eya ta do wò abɔ ɖe gbɔnye,
Do wò nuɖusi ɖa tso wò dziƒo;
Do ŋusẽ nye afɔ, ne nàkplɔm!

Stanza 5
Na malè ŋku ɖe wò dziƒo nyui ŋu,
Le wò dzixɔse gbagbe vavã me,
Ne nye luʋɔ be, yeagbɔdzɔ le;
Bena dzinye nakpɔ ŋutifafa
Le vevebali dziŋɔ sia me hã.
Na madi dziƒonuwo ko ɖaa.

Stanza 6
Amedzro menye l’ anyigba sia dzi,
Mezɔ mɔ to fukpekpe geɖe me;
Mɔzɔla dahe menye l’ afii.
‘Titsoga nye ye mɔzɔdzesi la,
Vaseɖe ‘si mad’ aƒe le dziƒo;
Esia nye aƒe, si le dzroyem!

LEAVE A REPLY

Please enter your comment!
Please enter your name here