GEC EWE Hymn

GEC Ewe Hymn 347

Stanza 1
Kristo, mia fia be: Tɔnyewo,
Miva, midze yonyeme!
Migbe nu le mia ɖokui gbɔ,
Mise nye ameyɔgbe!
Mitsɔ mia kɔti kple dzidzɔ,
Mito nye afɔtoƒe ko!

Stanza 2
Nye nye akaɖi, si afia
Agbenɔnɔ dzadzɛ mi.
Ame si ke dze yonyeme,
Manɔ viviti me o.
Nyee nye mɔ la, si fia me
‘Le si wòazɔ nyateƒe me

Stanza 3
Nye dzi bɔbɔ eɖokui fũ,
Luʋɔnye yɔ kple lɔlɔ̃.
Nye sewo mesesẽ hã o
Nye kɔti la hã bɔbɔ
Nye gbɔgbɔ, dzi ŋuse, susu
Le Mawu si, kpɔ ‘ya dzi ko

Stanza 4
Mafia nu si vɔ̃ɖi la, mi,
Be miasii, atsri ‘wɔwɔ,
Maklɔ nudzodzro vɔ̃wo ɖa
Tso miaƒe dzi me keŋkeŋ.
Nyee nye luʋɔwo kplɔla nyui.
Si kplɔa mi yia dziƒzgbo me.

Stanza 5
Ne esẽ hã, madze mia ŋgɔ,
Mele tsitre ɖe mia ‘xa,
L’a-ʋa wɔm, aʋawɔla gã!
Asrafo vɔ̃ɖi tsia ‘tre kpoo,
Kpɔa aʋafia la nɔa ŋgɔ yim.

Stanza 6
‘Me si medi eƒe xɔxɔ
Le gbɔnye o la, abui.
Ame si dii le gbɔnye la,
Makpe ɖe eyama ŋu.
‘Me si metsɔ dzidodo o,
Mateŋ’ anɔ yonyeme o.

Stanza 7
Eya ta mina ne míatsɔ
Mía ‘tsitsoga dze ‘yome!
Míatsɔ dzidzɔ kple dzideƒo
Anɔ fukpekpewo me!
Ame mawɔaʋa mate ŋu
Akpɔ agbefiakuku o.

LEAVE A REPLY

Please enter your comment!
Please enter your name here