GEC EWE Hymn

GEC Ewe Hymn 346

Stanza 1
Yesu, nu ɖekae le vevie,
Nàfia nu ɖeka sia mí!
Nu bubu ɖe sia ɖe ya la
Kɔti kpekpe ko wònye.
Kɔti dzodzro sia te míeka hiã mía ɖokui,
Eya gake míekpɔa dzidzɔa-ɖeke hã o.
Ke ne míeteŋ’ xɔ nu ɖeka, si hiã la,
Ekema nu sia aɖi ƒo na mí keŋ.

Stanza 2
Maria di ale si ke
Wòakpɔ nu ɖeka kemae,
Esime wòbɔbɔ nɔ ‘nyi
Ðe Yesu ƒe afɔ nu;
Eƒe dzi le didim be, yease agbenya,
Si eƒe xɔla vevi la le fia ge la.
Ebe, yeaxɔ nu sia nu le Yesu gbɔ,
‘Ye wòxɔ nu sia nu le nu ɖeka me.

Stanza 3
Nye dzimedidi enye be,
Maxɔ wò, xɔla vevi.
Na bena, madze yowòme,
Tsɔ ɖokuiwò d’a-si nam!
Ne ame geɖewo trɔ le yowòme hã,
Mazɔ wò afɔtoƒewo me kple dzidzɔ.
O Yesu, wò ko nye gbɔgbɔ kple agbe;
Nu sia nu, si wò nèna mí la, enyo.

Stanza 4
Eya ta Yesu ɖeka ko
Azu nu sia nu nam hee!
Do nye dzimedidiwo kpɔ,
Ðe alakpa le menye!
Aƒetɔ, ne mele alakpamɔ dzi la,
Xɔlanye, gakplɔm gaɖo dziƒomɔ la dzi!
Na bena nyemabu agbe kple ku o.
Nu ɖeka koe le vevie; ‘Yae nye Yesu!

LEAVE A REPLY

Please enter your comment!
Please enter your name here