GEC EWE Hymn

GEC Ewe Hymn 345

Stanza 1
Yesu, wò ko gbɔ nyea manɔ,
Wò ko masubɔ ɖaa si.
Naneke mado ŋɔdzim o.
Wò mɔ dzi ko mazɔ ɖaa.
Wò agbe nye nye agbe la,
Nye luʋɔ ƒe ŋusẽ hã;
Elabena menye alɔ
Le wò, weinti nyui la, ŋu.

Stanza 2
Ame ka gbɔ anyo wu nam,
Ne menye wò ko gbɔ o?
Wòe wɔ dɔmenyonyo gã nam,
Nye ame si da ‘he la.
‘Fi ka manɔ dedie wu le?
Wò, Kristo, ɖeɖe ko gbɔe,
Ame si kpɔ dziƒoŋusẽ
Kple anyigba dzi tɔ hã.

Stanza 3
‘Fi ka makpɔ ‘ƒetɔ aɖe
Abe wò, Yesu, ‘ne le?
Wò, si ƒlem tso ku la si me
Kpakple wò ŋutɔ wò ʋu.
Ðe nyemanya wò, ame si
Ku ɖe tanye, tɔ o ma?
Matsɔ ɖokuinye ana wò
Yi ku kple yɔdo me siaa.

Stanza 4
Ɛ̃, wò, Yesu, gbɔ ko manɔ
Le dzidzɔ kple fuwo me.
Gbɔwò manɔ, tɔwò menye
Afi sia kpl’a-fi ma hã.
Wò mɔfiafia ko dzɔm mele
Kple wò yɔyɔ tso afi;
Mesi nɔ gbɔwò l’a-gbe me,
Yae le klalo na ku hã.

Stanza 5
Nɔ gbɔnye le xexe sia me,
Va se nye ŋkeke naɖo!
Nenye zã gɔ̃ edo ɖem hã,
Eye blukɔ ƒo xlãm la,
Ðo wò ameyrasi dzaawo
Nye ta, si gbɔdzɔ la, dzi;
Gblɔ be: Vinye, azɔ va ‘ƒe,
Fi si agbe bubu le!

Stanza 6
Mlɔeba la nàkpe ɖe ŋunye,
Ne ku le ŋɔdzi dom nam,
Abe ny’a-gbe ƒe futɔ ‘ne,
Ne màlé xɔse ɖ’a-si.
Ne nye ŋku sia dzi atsyɔ hã,
Nàklẽ ɖe nye gbɔgbɔ me,
Ne madze mɔ dzi dzidzɔtɔe
Ab’a-ƒeyila ene.

LEAVE A REPLY

Please enter your comment!
Please enter your name here