GEC EWE Hymn

GEC Ewe Hymn 344

Stanza 1
Ne Mawu le dzinye la,
Nu ka gɔ̃ mavɔ̃ ma?
Ne meyɔ eƒe ŋkɔ la,
Nu sia nu ate ɖa.
Ne Mawu enye xɔ̃nye,
Si elɔ̃a nye nya la,
Nu ka futɔwo katã
Ƒe ha awɔm mahã?

Stanza 2
Menyae eye mexɔe se,
Maɖe gbeƒãe hã faa
Be, Mawu dziƒoʋitɔ
Nye Fofonye vavã,
Be ele nye axa dzi
Le xaxa katã me,
Bluna ɖe yaa kple ƒu ta,
Be woazi ɖoɖoe kpoo.

Stanza 3
Kpe gbadza, si dzi manɔ,
Nye Kristo kple ‘ƒe ʋu.
Eya ko ana makpɔ
Agbe mavɔ vavã.
Nye ŋ’tɔ kple nye agbe la
Menye naneke o;
Nu si Kristo tsɔ nam la,
Eya koe xɔ ‘si nam.

Stanza 4
Nye xɔla ɖe nu sia nu,
Si hea ku vɛ, ɖa, keŋ.
Eya hã klɔ ŋutinye,
Be ŋu magakpem o.
Eya ta mekpɔ dzidzɔ
Kpakple dzideƒo fũ;
Nyemavɔ̃ ʋɔnudɔdrɔ̃
Abe tsã ene o.

Stanza 5
Nyemagafa konyi o,
Dzi le dzɔyem ɖaa si;
Manɔ kafuha dzim ko,
Mekpɔa ɣekeklẽ sɔŋ.
Ɣe, si le keklẽm nam la,
Nye Yesu, nye ɖela;
Nu si ŋu madzi ha le
Nye dziƒonuwo sɔŋ!

LEAVE A REPLY

Please enter your comment!
Please enter your name here