GEC EWE Hymn

GEC Ewe Hymn 337

Stanza 1
‘Me si tsɔ ‘ɖokui de Mawu si
Eye wòɖoa dzi ɖe ‘ŋu ɖaa,
Mawu kpɔa eya dzi nukutɔe
Le hiã kple konyifafa me.
Mesi ɖoa ŋu ɖe Mawu ŋu,
Metu ‘ƒe xɔ ɖe ke me o.

Stanza 2
Nu ka nye míaƒe dzimaɖiwo?
Nu ka nye míaƒe nuxaxa?
Viɖe ka wònye be, míaɖu tse
Le míaƒe nya ŋu gbe sia gbe?
Ðe ko fu la kpena ɖe dzi
To míaƒe konyifafa me.

Stanza 3
Zi ɖoɖoe kpoo ko na wò Mawu!
Eƒ’a-ɖaŋu nadze ŋuwò!
Kpɔ mɔ na nu si ‘ƒe lɔlɔ̃nu
Ateŋ’ awɔ na wò nyonyo!
Mawu, si tia mí na ɖokui,
Nya nu si ke hiã mí nyuie wu.

Stanza 4
Enya dzidzɔgaƒoƒo nyuiwo,
Enya nu si ke nyo na mí.
Ne ekpɔ mí nyateƒetɔwoe,
Alakpamanɔmetɔwoe,
Ekema eɖina ɖe mí
Kple nunana nyui geɖewo.

Stanza 5
Mègasusu le wò hiã me be,
Wò Mawu la gblẽ wò ɖi o!
Alo be kesinɔtɔ gã koe
Nye Mawu ƒe lɔlɔ̃tɔ o!
Mawu ƒ’a-si trɔa nu sia nu
Heɖɔnɛ ɖo le nuwuwu.

Stanza 6
Naneke mesẽna na Mawu
Kple eƒe ŋusẽ gã la o.
Kesinɔtɔ atrɔ zu hiãtɔ,
Ame dahe boŋ akpɔ nu.
Eya ko wɔa nukunuwo,
Bɔbɔa ame, doa ‘me ɖe dzi.

Stanza 7
Do gbe ɖa, zɔ Mawu ƒe mɔ dzi,
Wɔ wò dɔ le nyateƒe me!
Ðo ŋu ɖe eƒe yayra ko ŋu,
Ekema anɔ kpli wò ɖaa!
Ame si tsɔ ‘ƒe ŋuɖoɖo
Ðo Mawu dzi, magblẽe ɖi o.

LEAVE A REPLY

Please enter your comment!
Please enter your name here