GEC EWE Hymn

GEC Ewe Hymn 335

Stanza 1
Menyae be, nye xɔla l’a-gbe
Doa gbe ɖa ɖe tanye;
Esia nye ‘kɔfafa gã nam,
Si naa dzideƒom ɖaa.

Stanza 2
Menyae be, nye xɔla l’a-gbe
Eƒe ŋku le dzinye;
Eʋu dziƒo ƒ’a-gbo la nam
To eƒe lɔlɔ̃ me.

Stanza 3
Esi wòfɔ nye ta ɖe edzi,
Nye hã mekpɔ agbe.
Azɔ mezu ame yeye,
Mevo tso ku si me.

Stanza 4
Yesu fɔ nye hã ɖe tsitre,
Etsɔ xɔxɔ vɛ nam;
Eya ta nye dzi kpɔ dzidzɔ
‘Ye mele mɔ kpɔm nɛ.

Stanza 5
Edi bena, manɔ dzadzɛ;
Eƒe lɔlɔ̃nu nyui
Kple nu si ŋugbe wòdo la
Awɔ ɖe sia ɖe nam.

Stanza 6
Yesu, mele wò nya ɖ’a-si;
Mexɔ dzi se blibo.
Trɔ va kaba, nàkplɔ nye hã
Yi wò dzudzɔ la me!

LEAVE A REPLY

Please enter your comment!
Please enter your name here