GEC EWE Hymn

GEC Ewe Hymn 333

Stanza 1
Mawu ana nyaa nawu ‘nu,
Ale si wòanyo na wòe;
Dzika megatso ƒowò o,
Ne èle Yesu gbɔ ko!

Stanza 2
Ame si vɔ̃ hesusu be,
Yesu le alɔ̃ dɔm la,
Wɔa fu eya ŋ’tɔ ɖokui ko;
‘Labe ɖe mexɔ se o.

Stanza 3
Wò, ɖikela, wò ŋubula
Medɔ ‘lɔ̃ loo ‘kɔlɔ̃e o.
Fu wò me te, nàkpɔ dzi ko,
‘Ya nye wò xɔse ƒe dɔ!

Stanza 4
Xɔ se ko be, nu nyuitɔ la
Woɖo ɖi ɖe ŋutiwò!
Ne èzi kpoo na Mawu ko,
Xaxa matsi dziwò o.

Stanza 5
Mawu ƒ’a-si d’a-fi sia ‘fi
Enye ŋusẽkatãtɔ;
Naneke mesesẽ nɛ o,
‘Ya ko nye Aƒetɔ gã.

Stanza 6
Ne eƒe ɣeyiɣi ɖo la,
Ðeɖe ado ŋusẽtɔe;
Aɖi ɖe wò gɔ̃ ale be,
Vɔvɔ̃a akpe ŋu na wò.

Stanza 7
Eya ta kpe fu sia fu faa
Le ɖoɖoezizi kpoo me!
Ame si sina le fu nu
Dzia ‘ƒe nu vɔ̃wo ɖe dzi.

Stanza 8
Amen, Amen! Yesu ŋkɔ me
Mazi kpoo na nye Mawu.
‘Le sia ‘le si kple nu sia nu,
Si eya lɔ̃, nava me!

LEAVE A REPLY

Please enter your comment!
Please enter your name here