GEC EWE Hymn

GEC Ewe Hymn 326

Stanza 1
Wò mɔ nàde dzitɔ si,
Kpakple wò dzi katã.
Dee dziƒofia la si me;
‘Ya ame si fia mɔ.
Alilikpo kple dziya,
Laɖe mɔ na wò hã,
Esi dzi nàzɔ dedie,
Kpakple wò afɔwo.

Stanza 2
Ðo dzi ɖ’a-ƒetɔ la ŋu!
Adze dzi na wò nyuie.
Eya ƒe dɔ dzi nàkpɔ,
‘Ye nàxɔ yayra gã!
Menye to nuxaxa me
Alo dziɖuɖu me
Mawu ana nu wò o,
Ke gbedoɖa me ko.

Stanza 3
Wò lɔlɔ̃ ko, mía Fofo,
Nya nu si ke enyo
Kple nu si ke vɔ̃ɖi hã
Na mí ameviwo.
Eye nu, si nètia la,
Ènɔa edzi ɖikaa,
Va se ɖe ‘si àwu dɔ,
Si nèɖo ɖi la, nu.

Stanza 4
Kpɔ mɔ, O luʋɔ dahe,
Kpɔ mɔ, mègavɔ̃ o!
Mawu aɖe wò tso tsiẽ,
Tso hiãwo katã me.
Le amenuveve me;
Dzɔ eƒ’a-si nu ko,
Ekem àkpɔ dzidzɔɣe,
Si afa ‘kɔ na wò.

Stanza 5
Tso, tso! Do mɔ wò veve
Kple dzitsitsiwo keŋ!
Tutu nuxaxa katã
Kple aboyiyi ɖa!
Menye wòe nye dziɖula
Ŋusẽkatãtɔ o;
Mawu ŋ’tɔe lé fiati la,
Awɔ nu sia nu nyuie!

Stanza 6
Na eya ko naɖu dzi!
Fia nyanu ŋutɔ ye;
Awɔ na wò ale be,
Ðe ko wò nu aku.
Ne edze ‘ƒe dɔ gɔme
Kpl’a-ɖaŋu nukutɔe,
Awɔe nyuie wu ale si
Wòa nèsusu gɔ̃ hã.

Stanza 7
Ahe akɔfafa ɖa
Atso gbɔwò ʋee ko,
Eye nàsusu bena,
Ðe wòŋlɔ ye be keŋ.
Esia awɔ wò bena,
Nànɔ vɔvɔ̃wo me
Le evedomesi ko,
Bena eƒu ye gbe.

Stanza 8
Gake la ne ‘kpɔ bena
Nènye nyateƒetɔ,
Ekem afa ‘kɔ na wò;
Eye nàxɔ se be,
Aɖe agba gã la ɖa
Le wò dzi me petee;
Konyifafa ate ɖa,
Eye dzidzɔ ava.

Stanza 9
Yehowa, wu nu na mí,
Wu mía fuwo nu keŋ!
Aƒetɔ, do ŋusẽ mí
Va se ɖe ku me ke!
Nye mía dzikplɔla vavã
Le nuwo katã me,
Ne míazɔ dziƒomɔ la,
Ava gbɔwò dedie!

Stanza 10
Gake la ne ‘kpɔ bena
Nenye nyateƒetɔ
Ekem afa ‘kɔ na wò;
Eye naxɔ se be,
Aɖe agba gã la ɖa
Le wò dzi me petee;
Konyifafa ate ɖa,
Eye dzidzɔ ava

Stanza 11
Yayra geɖe woana wò
Wò anukwarevi.
Azɔ la dziɖuɖu la
Kpakple fiakuku la
Wotrɔ zu tɔwo vavã;
Aƒetɔ la ŋutɔ
Tsɔ deʋaya la na wò;
Dzi ha na wo ɖela!

Stanza 12
Yehowa, wu nu na mi,
Wu mia fuwo nu keŋ!
Aƒetɔ, do ŋusẽ mi
Vaseɖe ku me ke!
Nye mia dzikpɔla vavaã
Le nuwo katã me,
Ne miazɔ dziƒomɔ la,
Ava gbɔwo dedie!

LEAVE A REPLY

Please enter your comment!
Please enter your name here