GEC EWE Hymn

GEC Ewe Hymn 323

Stanza 1
Xɔlɔ̃ vavãtɔ le dziƒo ke,
Nyigbadzixɔlɔ̃ mebɔ o.
Alakpa sɔŋ le xexe sia me,
Nuteƒewɔwɔ enye dɔ.
Eya ta nyea mebu ɖaa be:
Yesu enye xɔlɔ̃ nyuitɔ!

Stanza 2
Xexe sia me ɖi aƒlayaƒo,
Nye Yesu nye aga sesẽ.
Nenye nye ɖekae tsi anyi hã,
Eƒe lɔlɔ̃ megblẽam ɖi o;
Nye nyui ɖeɖe wòɖina ɖaa:
Yesu enye xɔlɔ̃ nyuitɔ!

Stanza 3
Etsɔ ‘ɖokui hena ɖe tanye,
Kɔ eƒe ʋu xɔasi ɖi nam,
Nɔa gbɔnye le hiãwo katã me,
Exea nye fenyinyiwo keŋ,
Enaa nu sia nu, si nyo lam:
Yesu enye xɔlɔ̃ nyuitɔ!

Stanza 4
Xɔ̃nye, si tsɔ dzi blibo la kem,
Nye tɔnye, nye hã menye ‘tɔ!
Xɔ̃nye, si lɔ̃am ɖikaɖika la,
Lɔ̃am yi ɖase ɖe ku me ke!
Ðe nyemegblɔe ɖe teƒe be:
Yesu nye xɔlɔ̃ nyuitɔ oa?

LEAVE A REPLY

Please enter your comment!
Please enter your name here