GEC EWE Hymn

GEC Ewe Hymn 312

Stanza 1
Nu ɖeka dim mele wu wo katã,
Ŋusẽdonu ɖeka ko;
Ne nu ɖeka sia ko le mía si la,
Míakpɔ ŋusẽ kple dzidzɔ.
Míaƒe ŋku tsi ame ɖeka dzi ɖaa,
Ame si ƒe fifia trɔ zu ʋu la;
Kpɔ ɖa etsyɔ mo anyi
Heno efofoa ƒe kplu.

Stanza 2
Ŋkunye me ko wòanɔ tegbetegbe,
Abe alẽvi ene.
Esi wohee ɖ’a-titsoga ŋu la,
Eƒe ʋu ɖuɖu ɖ’a-nyi!
Eƒo kudɔ le nye luʋɔ ŋuti,
Bene magabu gbeɖegbeɖe o.
Esi wòbe: evɔ la,
Eɖo ŋku nye hã dzinye.

Stanza 3
Yesu, mègana maŋlɔ nye nu vɔ̃
Kple wò lɔlɔ̃ la be o!
Esime menɔ viviti me tsã,
‘Ye mètsɔm ƒe gbe kpɔ o;
Èdze nye, wò alẽ tatra, yome,
Hafi mese wò, ny’a-ƒetɔ, ƒe gbe;
Ètrɔ asi, si sẽna,
Heƒlem tso xexe la me.

Stanza 4
Tɔwò menye, wò hã nènye tɔnye!
Yesu, na wòanɔ nenem!
Mimi wò ŋkɔ vivi ɖe nye dzi me,
Bene wòana wò ŋusẽm!
Le wò ŋkɔ dzi ko mawɔ nu sia nu,
Manɔ agbe na wò ase maku
Ale manɔ xexe me,
Ase ɖe nye ku me ke.

LEAVE A REPLY

Please enter your comment!
Please enter your name here