GEC EWE Hymn

GEC Ewe Hymn 309

Stanza 1
Lɔ̃la, wòe nye Mawu, si wɔm
Ðe wò nɔnɔme nyui me.
Lɔ̃la, wòe ganyo dɔme nam,
Eye nèɖem le vɔ̃ me.
Lɔ̃la, tɔwò ko menye;
Metsɔ ɖokuinye na wò!

Stanza 2
Lɔ̃la, Yesu, wòe tiam da ɖi,
Hafi wowɔ xexeame.
Lɔ̃la, wòe va trɔ zu ame,
Sigbe míawo hã ene.
Lɔ̃la, tɔwò ko menye;
Metsɔ ɖokuinye na wò!

Stanza 3
Lɔ̃la, wòe kpe fu ɖe tanye,
Wòe ku ɖe nye nu vɔ̃ ta.
Lɔ̃la, wòe ɖu ku hã dzi nam,
Eye nèxɔ agbe nam.
Lɔ̃la, tɔwò ko menye;
Metsɔ ɖokuinye na wò!

Stanza 4
Lɔ̃la, wò koe nye nye ŋusẽ,
Kekeli kple nyateƒe.
Lɔ̃la, gbɔgbɔ kpakple agbe
Wò nyawo katã wonye.
Lɔ̃la, tɔwò ko menye;
Metsɔ ɖokuinye na wò!

Stanza 5
Lɔ̃la, wò ɖeka koe lɔ̃m ɖaa,
Eye nèkplɔm toa nyuiƒe.
Lɔ̃la, wòe xɔa nya ɖe nunye,
Nɔa nye xɔxɔ dim vevie.
Lɔ̃la, tɔwò ko menye;
Metsɔ ɖokuinye na wò!

Stanza 6
Lɔ̃la, wòe ayɔm tso ku me
Le nuwuwuŋkeke dzi.
Lɔ̃la, kplɔm nàyi ɖe dziƒo,
Ðe Zion du nyui la me!
Lɔ̃la, tɔwò ko menye;
Metsɔ ɖokuinye na wò!

LEAVE A REPLY

Please enter your comment!
Please enter your name here