GEC EWE Hymn

GEC Ewe Hymn 308

Stanza 1
Mina ne míalɔ̃ Mawu gã,
Si ewɔ dzi kple anyigba,
Tsidzidziwo kpakple ƒu!
Ame si le agbe tegbee,
Kpɔ ŋusẽ kple ŋutikɔkɔe.
Esi nye dzimefia gã.
Ena agbe,
Ŋutilã kpakple luʋɔwo
Ame sia ‘me.
Mine míalɔ̃e tso mía dzi me!

Stanza 2
Mine ne míakafu Mawu,
Si etsɔ Via Yesu hena
Ðe míaƒe nu vɔ̃wo ta!
Mikpɔ ale si Mawu lɔ̃
Mí ame siwo wɔ vɔ̃e ɖa!
Elɔ̃ be, yeatsɔe ke mí.
Mina míaʋu
Mía nu vɔ̃ me na Aƒetɔ,
Si tsɔ wo yi,
Esime wòku l’a-ti ŋu.

Stanza 3
Mina ne míasubɔ Mawu,
Ame si ewɔ nu sia nu,
Edzra nuwo katã ɖo!
Eya nye ŋusẽkatãtɔ,
Mía xɔla kpakple mía Fofo,
Si xea fe hã na ‘mewo.
Eɖoa teƒe
Na ‘me sia ‘me le ale si
Wòwɔna le
Eƒe agbenɔɣi la nu.

Stanza 4
O Mawu nyui, mía Fofo gã,
Na mí míatrɔ zu tɔwòwo,
Be míanɔ kpli wò tegbee!
Míel’a-be vidziwo ene,
Hiãtɔ kple nublanuitɔwo
Le míaƒ’aɔ̃nyinɔnɔ me.
Eya ŋuti
Nànɔ kpli mí, do ŋusẽ mí,
Be ne míazɔ
Dziƒomɔ la dzi gbe sia gbe

LEAVE A REPLY

Please enter your comment!
Please enter your name here