GEC EWE Hymn

GEC Ewe Hymn 306

Stanza 1
Ðela Yesu, ‘fi ka nèle?
Xɔ̃nye si melɔ̃na la!
Wò ɖeka ƒe nu xam mele,
Afi ka nèyi ɖo ma?
Nye luʋɔ la tsi dzodzodzoe;
Wò, Yesu, ko dim wòle.
Nu vɔ̃ ɖeɖi te ŋunye glo;
Va kaba, nàɖem le me!

Stanza 2
Meyɔ wò kple nublanuigbe:
Afi ka gɔ̃ nèyi ɖo?
Nyemakpɔ vovo ‘ɖeke o,
Ðe ko makpɔ wò hafi.
Ðe aʋala l’a-sinye la,
Madzo ayi ‘fi sia ‘fi:
Atsa ŋku l’a-fiwo katã,
Ase ɖe si makpɔ wò!

Stanza 3
Yesu, wò koe na mehaya,
Wò ko ɖua vɔ̃ kple ku dzi,
Wò ɖeka koe gafa ‘kɔ nam
Le dzikuwo katã me.
Nyemado kpo wò didi o,
Manɔ diwòm gbe sia gbe,
Va se ɖe si mava gbɔwò,
Akpɔ gbɔɖeme tegbee.

Stanza 4
Yesu, xɔ̃nye, na makpɔ wò!
Nye luʋɔ le nuwò xam:
Mègagblẽm ɖe nu vɔ̃ me o,
Trɔ ɖe ŋutinye, nàɖem!
Nàgbugbɔ ŋutifafa nam;
Yesu, va nɔ nye dzi me!
Mele kuku ɖem be, nàva,
Ne nye dzi gadze me keŋ!

Stanza 5
Ne ‘gatrɔ va, dzidzɔvudo.
Ne magakpɔ wò, xɔla,
Matsri nu sia nu, si nègbe,
Nu si ke kua dzi na wò.
Naneke nagazu veve
Na mía kpli wò, Yesu, o!
Nyemalɔ̃ nu le gbɔwò o,
Nye dzi alé ɖe ŋuwò!

LEAVE A REPLY

Please enter your comment!
Please enter your name here