GEC EWE Hymn

GEC Ewe Hymn 302

Stanza 1
Èɖi tso dziƒo zu ame,
Bene nàkplɔ wò dukɔ.
Le wò dzikpɔkpɔ nyui la te
Míakpɔ dzidzɔ geɖe ɖaa.

Stanza 2
Amea-ɖeke mateŋ agblɔ
Nu siwo katã nèwɔ:
Ale si nèlɔ̃ tɔwòwo,
Nyi wo, kpɔ wo dzi la o.

Stanza 3
Nu ka ado ŋɔdzi na mí,
Ne kplɔla nyui le mía kplɔm?
Eƒ’a-lẽkplɔti sesẽ la
Nyaa futɔwo katã ɖa.

Stanza 4
Ame ka na dzimefafa
Le fukpekpeɣiwo me?
Eya enye míaƒe xɔla,
Míaƒ’a-kɔfafa nyui la!

Stanza 5
Alẽha ƒe kplɔla vavã,
Tsɔm ɖe wò abɔ dome!
Di ame, siwo tra mɔ hã,
Nàkplɔ wo va wò ha me!

LEAVE A REPLY

Please enter your comment!
Please enter your name here