GEC EWE Hymn

GEC Ewe Hymn 301

Stanza 1
Dzudzɔ enye nu nyui gã,
Si dzroa mí katã.
Eya ta mido vevi,
Be míakpɔe vavã
To Yesu me!
Miakpɔe l’a-fia-ɖeke o,
Negbe le Yesu gbɔ ko
Míakpɔ dzudzɔ.

Stanza 2
Le anyigba sia dzi la
Dzudzɔ meli o.
Satan, nu vɔ̃, amewo
Woɖea fu na mí;
Vevesese,
Fukpekpe kple hiãtume,
Dɔléle kpakple ku nu
Metsina o.

Stanza 3
Yesue ko ana dzudzɔ
Vavãtɔ la mí.
Eya ta wòtso dziƒo
Va anyigba dzi.
Ele mía yɔm!
Ele didim be, yeana
Eƒe nu nyuiwo katã
Kple dzudzɔ mí.

Stanza 4
Yesu koe ana dzudzɔ
Tso nu vɔ̃ si me;
Eɖu abosam hã dzi
Ðe mí l’e-si me.
Yesu dze ŋgɔ!
Ne míegblẽ xexeme ɖi
Dze Yesu yome l’a-fii,
Míakpɔ dzudzɔ.

Stanza 5
Dzudzɔ la le mawuƒe!
Wodzrae ɖo xoxo
Na’mesi wɔa nuteƒe
Seɖe ku me ke.
Dzudzɔ vavã!
Eyata zu Yesu tɔ,
Ne nakpɔ dzudzɔ l’ egbɔ:
Dzudzɔ mavɔ!

LEAVE A REPLY

Please enter your comment!
Please enter your name here