GEC EWE Hymn

GEC Ewe Hymn 294

Stanza 1
Ne Yesu nye tɔnye vavã
Eye nye hã menye etɔ,
Esia gbɔ nu sia ta!
Ne nyateƒe me meyɔnɛ
Be vulẽlanye, xɔlanye,
Nye agbe kple ny’a-ƒetɔ,
Makpɔ dzidzɔ
Mavɔmavɔ le ƒs lɔlɔ̃,
Si dem ŋuti;
Eye matsɔ ɖokuinye nɛ.

Stanza 2
Kpɔ xexemenu dzroamewo
Kple eƒe dzidzɔkpɔkpɔ da!
Eya amewo dina.
Woɖua nu, womeɖia ƒo o,
Wonoa nu, womeɖia ko o;
Nu bleamewo ko wonye,
Yamenuwoe,
Wonaa kple fukpekpe
Mavɔmavɔ
Luʋɔ, siwo ke woble la.

Stanza 3
Yesu gbɔ koe le vovo sã:
Ekplɔa mi yi ɖe teƒe nyui
Kple agbetsi fafɛ gbɔ.
Afi ma miakpɔ dzidzɔ gã,
Si mawuviwoko kpɔna,
Dzidzɔ gã mavɔmavɔ!
Nu nyui geɖe,
Ŋutifafa, agbe vavã,
Lɔlɔ̃, ŋusẽ,
Yayra kpakple nu vɔ̃ keke.

Stanza 4
Dzidzɔ sia enye wo hã tɔ!
Eya ta xɔla le yɔwòm
Tso mɔ vɔ̃ dzi be, nàtrɔ!
Eya ta wova xexeame,
Eto fukpekpe kple ku me
Be ne wòaxe wo fe keŋ
Eya ŋuti
Ðo to ‘ƒe gbe, va ‘gbɔ egbe;
Yesu akpɔ
Nublanui na wò kple lɔlɔ̃.

LEAVE A REPLY

Please enter your comment!
Please enter your name here