GEC EWE Hymn

GEC Ewe Hymn 292

Stanza 1
Yesu nye dzidzɔ la!
Ne mekpe fu hã la,
Wòe faa ‘kɔ nam ɖaa.
Ne amewo dzuyem
Eye wole koyem,
Wò koe xɔna nam.
Elabe am’a-ɖeke
Menye kpeɖeŋutɔ nam o,
Negbe wò ɖeka ko.

Stanza 2
Le wò aʋala te
Manɔ dedie ɖaa si;
Wòe nye mɔ sesẽ!
Ne ‘le gbɔnye ko la,
Mayi afi sia ‘fi;
Nyemagavɔ̃ o.
Ne xexe le gbagbã ge,
Matsi ‘tre ɖe kpe gbadzaa dzi
Eye makpɔ ɖeɖe.

Stanza 3
Ne mele konyi fam
Le nu vɔ̃ ŋuti la,
Ekema makpɔ
Vɔsasa kɔkɔe, si
Wosa ɖi na mí, dzi
L’a-titsoga ŋu,
Afi si wowu wò le
Le xexemenu vɔ̃ ŋuti,
Ale dzi agadzɔm.

Stanza 4
Yesu ʋu kɔkɔe la,
Agbevudo vavã,
Nàklɔ ŋutinye!
Le nye tetekpɔwo
Kple aʋawɔwɔ me
Kpe ɖe ŋutinye!
Abosam doa ŋɔdzi nam,
Etsoa nunye hã na Mawu;
Yesu, tso afia nam!

Stanza 5
Eya ŋuti mebu
Nye Aƒetɔ Yesu
Dzidzɔ vavãtɔe!
Ne xexemenuwo,
Xɔlɔ̃wo, nɔviwo
Kple ame sia ‘me
Gblẽm ɖi hã, Yesu li nam!
Ne nye nuwo bu keŋ hã la,
Aɖo wo teƒe nam.

Stanza 6
Matsɔ nye gbɔgbɔ la,
Ŋutilã kple luʋɔ
Ad’a-si na wò.
Yesu, agbexɔla,
Wò ko hiãm mele ɖaa;
Yesu, nɔ menye!
Wò koe naa agbe vavã.
Wò koe matsɔ ɖokuinye na;
Yesu, nye dzidzɔ la!

LEAVE A REPLY

Please enter your comment!
Please enter your name here