GEC EWE Hymn

GEC Ewe Hymn 284

Stanza 1
O Yesu, nye agbexɔla,
Nàkplɔm yi wò fiaɖuƒe me,
Wò si dzi mexɔ se la!
Aƒetɔ, na manɔ tsitre,
Eye xexe sia me nuwo
Magable nye luʋɔ o!
Azɔ la medze si keŋ be:
Kristotɔnyenye nyo ŋutɔ!

Stanza 2
Ðela Yesu, ku me nèto
Eye nèwɔ ku ƒe viwo
Zu agbe mavɔ tɔwò.
Azɔ nyemeganye afii
Kple ku ƒe aboyonu o.
Aƒetɔnye, wòe ku ɖe
Nye ame si nèɖe la ta.
Ŋutilãku zu nye viɖe.

Stanza 3
Woɖem, ‘ye mezu Kristotɔ!
Azɔ la nye dzi kpɔ dzidzɔ,
Ŋlɔ agbemefuwo be.
Mele fu, si dzem la, ko kpem
Mekpɔ akɔfafa gã be:
Nyemele fu kpem dzro o.
Mawu dzidze nye gome nam:
Fukpekpe kpakple dzidzɔ siaa.

Stanza 4
Ke ne megbɔdzɔ ʋu hã la,
Nyemegale nu vɔ̃wo te
Le vɔ̃xexe sia me o.
Mewɔa tɔnyenua kple kutri;
Gake medze sii kɔtee be,
Nyemezu blibo vɔ o.
Ny’aɔ̃kɔfafa enye sia be:
Mawu gbɔ dzi ɖi nam ŋutɔ!

Stanza 5
Wò, ame si ɖu ku dzi nam,
Wò, si nye nye avuléla,
Ðem tso nye vɔvɔ̃wo me!
Mele akpe dam na wò ŋ’tɔ,
Le dzudzɔ kple akɔfafa,
Siwo ke nènam la, ta.
Ne megadze anyi hã la,
Ve nunye, ne nàfɔm ɖe te!

Stanza 6
Akpedada na mía Mawu!
Eƒe amenuveve la
Wɔ be, mezu Kristotɔ;
Eƒe nya la na ŋunye kɔ,
Amenuveve wɔ nye dzi
Kple nye agbe zu yeye.
Mawu na medze sii keŋ be:
Kristotɔnyenye nyo ŋutɔ!

LEAVE A REPLY

Please enter your comment!
Please enter your name here