GEC EWE Hymn

GEC Ewe Hymn 281

Stanza 1
Wò, Aƒetɔ Yesu, dzi ko
Nye ŋuɖoɖo katã le.
Menyae be wòe nye ‘kɔfala,
Ðeke megali nam o.
Amegbetɔvi aɖeke,
Mawu ƒe ɖɔla aɖeke
Mate ŋu aɖem gbeɖe o.
Wò yɔm mele,
Gbɔwò nye kpekpeɖeŋu le.

Stanza 2
Nu vɔ̃ gba la wu tsɔtsɔ nam,
Evem vevie le dzi me.
Ðem tso nye nu vɔ̃wo keŋ me
To wò ku ƒe veve me!
Xɔ nya ɖe nunye le dziƒo,
Wò, si wɔ nu geɖewo nam;
Nenem mavo tso nu vɔ̃ me.
Nye xɔse, lé
Nu si ŋugbe nèdo nam la.

Stanza 3
Do ŋusẽ nye ŋuɖoɖo la
To amenuveve me,
Bene makpɔ wò lɔlɔ̃ gã,
Si kɔ wu nye susuwo.
Malɔ̃ wò wu nu bubuwo,
Hanyevi abe nye ŋ’tɔ ‘ne.
Na xɔxɔ le nye kuku me;
Kuku ƒe ŋɔdzi
Nagaɖu dzinye gbeɖe o!

Stanza 4
Bubu na Mawu le dziƒo,
Si nye nuwo katã tɔ,
Kple eƒe Vi, Yesu Kristo,
Si dzɔa mía ŋuti ɖaa la,
Kpakple eƒe Gbɔgbɔ Kɔkɔe,
Si kpena ɖe mía ŋuti ɖaa,
Na bena míanɔ kafuwòm
Tso afi sia
Yi ɖase mavɔmavɔ me!

LEAVE A REPLY

Please enter your comment!
Please enter your name here