GEC EWE Hymn

GEC Ewe Hymn 280

Stanza 1
Yesu Kristo kpɔ nye nublanui,
Nublanuikpɔkpɔ medzem o.
Eya ta nukunu ko mabui,
Nye dzi vɔ̃ɖi medii kpɔ o.
Azɔ medze sii, kpɔ dzidzɔ
I: Makafu nublanuikpɔkpɔ! :I

Stanza 2
Fiƒode koe nye nu si dze nam;
Gake la Mawu ve nunye.
Etsɔ nye nu vɔ̃wo katã kem,
Tsɔ Via ƒe ʋu klɔ ŋutinye.
Nu ka ŋuti wòwɔ esia?
I: Nublanuikpɔkpɔ wònye nam! :I

Stanza 3
Maʋu esia me ɖaa gbe sia gbe
Le Mawu kpl’a-mewo ŋkume.
Nye la nyemebua ɖokuinye be,
Medze na eƒe lɔlɔ̃ o.
Madze klo nɛ ‘ye makafu
I: Eƒe nublanuikpɔkpɔ ko! :I

Stanza 4
Eya ko ŋu maƒo ‘degbe le;
Naneke maxe mɔ nam o!
Le nye gbedodoɖa katã me
Maɖo ŋu ɖe eya ko ŋu;
Eya ŋuti makpe fu ɖo,
I: Manɔ edzi le ku me hã! :I

Stanza 5
Wò nublanuikpɔkpɔ la sɔ gbɔ;
Mègaɖee ɖa le dzinye o!
Na mato ku me ava gbɔwò,
Le viwò Yesu ƒe ku ta!
Afi ma dzi ladzɔm tegbee,
I: Be Yesu kpɔ nye nublanui! :I

LEAVE A REPLY

Please enter your comment!
Please enter your name here