GEC EWE Hymn

GEC Ewe Hymn 278

Stanza 1
Yesu xɔa vɔ̃wɔlawo!
Migblɔ ‘kɔfafanya nyui sia
Na ame siwo tra mɔ
To mɔ gɔglɔ̃ dzi yina la!
Mikpɔ ame si xɔa wo:
Yesu xɔa vɔ̃wɔlawo!

Stanza 2
Míedze be wòaɖe mí o;
Ke eka ɖe dzi na mí be,
Yeatsɔ lɔlɔ̃ axɔ mí.
Kpɔ ɖa, eƒe agbegbo la
Le ʋuʋu na mí azɔ;
Yesu xɔa vɔ̃wɔlawo!

Stanza 3
Ne alẽvia ɖe bu la,
Eƒe kplɔla dinɛ vevie.
Yesu meŋlɔa mí be o;
Ke boŋ edia mɔtralawo,
Bene womagatsrɔ̃ o;
Yesu xɔa vɔ̃wɔlawo!

Stanza 4
Mi katã, mite va ‘fi,
Mi ame, siwo faa konyi
Yesu yɔa mi ‘ye wònaa
Nu vɔ̃ wɔla zua mawuvi.
Mixɔ nya sia dzi se be:
Yesu xɔa vɔ̃wɔlawo!

Stanza 5
Nye hã mele konyi fam,
Maʋu nye nu vɔ̃ me na wò;
Oo nye xɔla, ve nunye,
Be nàtsɔ nye nu vɔ̃ la kem,
Ne nya sia nafa ‘kɔ nam:
Yesu xɔa vɔ̃wɔlawo!

Stanza 6
Azɔ melé dzi ɖe ƒo,
Metsɔ nye nu vɔ̃ ɖo dziwò;
Na wò ʋu, si nèkɔ ɖi,
Nàklɔ ŋutinye kple menye,
Ne makafu wò vavã:
Yesu xɔa vɔ̃wɔlawo!

Stanza 7
Yesu xɔa vɔ̃wɔlawo;
Exɔ nye hã le lɔlɔ̃ ta,
Eʋu dziƒoʋɔ la nam,
Be makpɔ agbe mavɔ la,
‘Ye maku kple xɔse sia:
Yesu xɔa vɔ̃wɔlawo!

LEAVE A REPLY

Please enter your comment!
Please enter your name here