GEC EWE Hymn

GEC Ewe Hymn 274

Stanza 1
Xaxa me mele, le yɔwòm;
O Mawu, se nye yɔyɔa!
Ve nunye, nàƒu to anyi
Ðe nye nublanuigbea ŋu!
Ne èbe yealé dziku ɖi,
Abu fɔ amegbetɔvi,
Ame ka anɔ te ma?

Stanza 2
Gbɔwò nublanuikpɔkpɔ le,
Wòe àtsɔ nuvɔ̃ ake!
Ne míedz’ agbagba vevi hã,
Míado kpo ŋuwòdzedze.
Ameka aka ɖe nu ŋu!
Amesiame navɔ̃ wò ko,
Wòadi nublanuikpɔkpɔ!

Stanza 3
Mawu ŋu ko maɖo ŋu ɖo,
Nu ka gɔ̃ le asinye?
Meɖo dzi ɖe eya ko ŋu,
Be dɔmenyotɔ wònye.
Eya ŋutɔ gblɔ ‘sia ɖi nam;
Nyanyui sia na akɔfafam,
Manɔ mɔ kpɔm nɛ ɖaa si!

Stanza 4
Ne mexaxa ɖase zã ke,
Yiɖase ŋufɔke hã,
ye mabu nye ŋuɖoɖo o;
Ŋusẽkatãtɔ la li!
Ale Israeltɔ vavã,
Si wodzi tso Gbɔgbɔ me la,
Wɔa dzi ɖe Mawu ŋu keŋ.

Stanza 5
Ne míaƒe nu vɔ̃ sɔ gbɔ hã,
Amenuveve la wui.
Míaƒe gbegblẽ lolo ŋutɔ,
Gake xɔxɔ la gbɔ ta.
Yesu ko nye kplɔla nyuitɔ,
Si laɖe eƒe dukɔ la
Tso nu vɔ̃wo katã me.

LEAVE A REPLY

Please enter your comment!
Please enter your name here