GEC EWE Hymn

GEC Ewe Hymn 262

Stanza 1
Gatrɔ fifi! Gatrɔ fifi,
Wò ame si tra mɔ la!
Va, fa konyi, dro agba ɖi,
Nàdze klo na Aƒetɔ!
Va ko, ɛ̃, va nenema ko!
Yesu ɖela, ave nuwò.
Kpɔ ɖa! Ye ŋutɔ va kpe wò,
Eye ‘ƒe nya la gblɔ be:
Akpɔ vɔ̃keke kple agbe;
Gatrɔ, mègalala o!

Stanza 2
Trɔ tso ʋunyaʋunya la me,
Nàtrɔ va wò ɖela gbɔ;
Afi sia nàkpɔ dzi yeye,
Afi sia nàkpɔ dzidzɔ,
Afi sia dzikatsoƒowo
Woagadzudzɔ enumake;
Àse Gbɔgbɔ ƒe nuxɔxlɔ̃
Le ɖoɖoezizi kpoo me.
Gatrɔ egbe, va Yesu gbɔ,
Nànɔ ‘yome kple dzidzɔ!

Stanza 3
Gatrɔ, vi dzego, gatrɔ ko!
Fofowò le lalawòm,
Be wòatsɔ nu vɔ̃ ake wò
Eye wòafa ‘kɔ na wò.
Ne wò dzi bu fɔ wò hã la,
Yesu ɖe wò vodada ɖa,
Tsɔe yi le atitsoga ŋu.
Gatrɔ, mègavɔ̃ o loo!
Te va Yesu gbɔ, ɖe kuku!
Yesu mabu fɔ wò o.

Stanza 4
Mlɔeba la gatrɔ, gatrɔ va!
Trɔ va fofowò ƒe me,
Bene nàkpɔ ŋutifafa
Le lɔlɔ̃ ƒ’a-bɔ dome!
Tso fu me nàva dzidzɔ me,
Tso ŋukpe me va kɔkɔeƒe,
Trɔ tso ku me va kpɔ agbe,
Tso tsɔtsrɔ̃ me va dziƒo!
Kpɔ ɖa! Mawu yɔ wò egbe!
Egbe trɔ, egbea ke ko!

LEAVE A REPLY

Please enter your comment!
Please enter your name here