GEC EWE Hymn

GEC Ewe Hymn 260

Stanza 1
Oo xexeme, oo xexeme!
Tsã la ènyo ŋutɔ!
Eɖe Mawu ƒe lɔlɔ̃ gã
Kple ŋutikɔkɔe fia.
Ke azɔ nèle dziku te
Le aglãdzedze ta.
Oo xexeme, oo xexeme!
Ewɔa nublanui ta!

Stanza 2
Oo xexeme, oo xexeme!
Mawu lɔ̃ wò vevie baa!
Ale gbegbe bena wòdɔ
‘Ƒe Tenuvi ɖe gbɔwò.
Ke wò la nègbe wò ɖelaa,
Eklãe ɖe ati ŋu.
Oo xexeme, oo xexeme,
Wòawu wò ɖela la!

Stanza 3
Amegbetɔ, amegbetɔ!
Ɣekaɣi natrɔ dzime,
Be naxɔ Yesu, si eku
Ðe tawò la, dzi ase?
Ne mèkpɔ ɖeɖe le Yesu
Ƒ’ abiwo me o la,
Amegbetɔ, amegbetɔ,
Akpɔ tsɔtsrɔ̃ mavɔ.

Stanza 4
Nuvɔ̃la, nuvɔ̃wɔla,
Kpɔ Yesu Kristo ɖa!
Mawu ƒe alẽvi, si tsɔ
Wò nuvɔ̃ yi, nye ‘si!
Wò ŋutɔe he wò tsɔtsrɔ̃ vɛ,
Ke Yesu aɖe wò.
Nuvɔ̃wɔla, nuvɔ̃wɔla,
Megagbe Yesu o!

Stanza 5
Oo Kristotɔ, oo Kristotɔ,
Asi sesẽ wotsɔ
Heƒle wò tso xexe la me;
Naɖo ŋku dzi azɔ!
Meganye nuvɔ̃kluvi o!
Ablɔɖevi nènye.
Oo Krsitotɔ, oo Kristotɔ,
Nɔ Yesu yome ko!

Stanza 6
Agbe mavɔ, agbe mavɔ!
Wò kpɔkpɔ le dzroyem!
Agbetsi mele afi o;
Ke Yesu be: Miva!
Amesi di agbetsi la,
Nava be wòanoe faa!
Agbemavɔ, agbe mavɔ
Le Yesu Kristo gbɔ!

LEAVE A REPLY

Please enter your comment!
Please enter your name here