GEC EWE Hymn

GEC Ewe Hymn 237

Stanza 1
Wò ŋ’tɔ ènya fukpekpe kple hiãtutu,
Si yɔ míaƒe dzi míetsɔ vɛ na wò;
Egbe ƒe vɔ̃ kple ‘tsɔ ƒe dzimaɖiwo.
Míeʋu nu vɔ̃ me le tsɔtsɔke biam:
Míedze klo ɖe wò fiazkpui la ŋgɔ,
Le kuku ɖem bena: Wò ŋ’tɔ ènyae!

Stanza 2
Wò ŋ’tɔ ènya ƒe geɖe, siwo metra
Le viviti kple nublanui gã me;
Ale si wò, nye kplɔla nyui la, nèdim
Eye nètsɔm ɖe wò abɔwo me;
Èbla ny’a-biwo eye woku nam;
‘Ye megakpɔ agbe kpakple ŋusẽ.

Stanza 3
Wò ŋ’tɔ ènya tetekpɔ kpakple ʋiʋli,
Si egbeŋkeke sia hã he vɛ nam,
Konyifafa, vɔvɔ̃ kple dzodzo nyanya,
Si nètsɔ nyɔa viwò lɔlɔ̃tɔwoe.
Mado dzi atsɔ nye vevewo kpoo;
‘Labena menya be: Wò ŋ’tɔ ènyae!

Stanza 4
Wò ŋ’tɔ ènya dzidzɔ kple ŋutifafa,
Si le mía dzɔm le fu siawo megbe.
Dzidzeme vavã le gbɔwò nɔnɔ me,
Ne xexeame ƒe fuwo nu va yi.
O gbɔɖeme vivi, si míava kpɔ,
Ne míeɖo gbɔwò la, wò ŋ’tɔ ènyae.

Stanza 5
‘Ya ta míeva le wò yɔyɔ nyui la nu,
Hetsɔ mía nu vɔ̃wo ɖo ŋkuwò me.
Wò Aƒetɔ, si ku ɖe mía nu vɔ̃ ta,
Se míaƒe gbe, ‘yi kpɔ mía nublanui;
Be míawo hã míado awu ɣiwo,
Adzi kafuha na wò mavɔ me!
Amen

LEAVE A REPLY

Please enter your comment!
Please enter your name here