GEC EWE Hymn

GEC Ewe Hymn 235

Stanza 1
Na míakpɔ Yesu, si va ‘nyigba sia dzi
Hetsɔ mía nu vɔ̃ ƒe fiƒode yi,
Kɔ eƒe ʋu ɖi, bene míakpɔ agbe;
Elɔ̃ mí ʋuu yi ɖase ku me ke.
Yesu, wòe di be míava nɔ gbɔwò;
Wòe le mía dzrom, nàkplɔ mí va gbɔwò!

Stanza 2
Na míakpɔ Yesu le nuwo katã me:
Le dzidzɔ kple konyifafa siaa me;
Ne ɣe klẽna alo ahom tuna hã,
Na míakpɔ Yesu ƒe ŋutikɔkɔe!
Yesu, wòe di be míava nɔ gbɔwò;
Wòe le mía dzrom, nàkplɔ mí va gbɔwò!

Stanza 3
Na míakpɔ Yesu, ne míeɖo xaxa me,
Zɔ mɔ doblukɔ tsiɖitsiɖi dzi;
Ne zã do ɖe mí, míaƒ’a-fɔ hã kli nu
Le mɔ xaxɛ klitsaa mamlɛtɔ dzi, Yesu, wòe di be míava nɔ gbɔwò;
Wòe le mía dzrom, nàkplɔ mí va gbɔwò!

Stanza 4
Na míakpɔ Yesu! Míele dzi ɖom ɖe ‘ŋu,
Míele ‘kafum eye míele eyɔm;
Míele ekpɔm o, gake míelɔ̃nɛ tso;
Ena míekpɔ agbexɔxɔ le ‘gbɔ.
Yesu, wòe di be míava nɔ gbɔwò;
Wòe le mía dzrom, nàkplɔ mí va gbɔwò!

Stanza 5
Na míakpɔ Yesu ɖa! Míakpɔe hã vavã!
Wòakplɔ mí ayi ɖe dzidzɔma me;
Edo ŋugbe na mí be, míakpɔe kaba,
Ale si wòle; míawo hã míaɖii!
Yesu, wòe gblɔe ɖi be, yegbɔna kpuie.
Wòe le mía dzrom;
Aƒetɔ, va kaba!

LEAVE A REPLY

Please enter your comment!
Please enter your name here