GEC EWE Hymn

GEC Ewe Hymn 224

Stanza 1
Aƒetɔ Yesu, ɖo to
Nye nu vɔ̃ wɔla la!
‘Nyigbadzihiã ‘ɖe va tum
Eye mexaxa ŋ’tɔ.
Xɔ na vinye la nam dzro,
Kanaan ƒome, Aɖam vie!
Nublanui ko nàkpɔ nam,
Aƒetɔ David vi!
Nublanui ko nàkpɔ nam,
Aƒetɔ David vi!

Stanza 2
Israel ƒ’a-lẽ gbɔ nèva,
‘Si nèva xexeame,
Bene wo katã nakpɔ
Ŋuifafa le gbɔwò.
Na nye hã mava gbɔwò,
Ne menye nu vɔ̃ wɔla hã!
I:Nublanui ko nàkpɔ nam,
Aƒetɔ David vi! :I

Stanza 3
Nu ka menye ŋkuwò me,
Bena mabia nu wò?
Menyo be, avuvi la
Naɖu amenu o.
Israel tɔe nye xɔxɔ la;
Ke na nye hã maɖɔe kpɔ dzro!
I:Nublanui ko nàkpɔ nam,
Aƒetɔ David vi! :I

Stanza 4
Aƒetɔ Yesu Kristo,
Kpɔ nublanui nam dzro!
Ne menye avuvi hã
Mèganyam do go o !
Ke boŋ na wò avuvi
Nati kpo le wò kplɔ̃ ŋuti !
I:Nublanui ko nàkpɔ nam,
Aƒetɔ David vi! :I

LEAVE A REPLY

Please enter your comment!
Please enter your name here