GEC EWE Hymn

GEC Ewe Hymn 223

Stanza 1
Amenuvela, mía Fofo,
Míete va gbɔwò, Aƒetɔ.
Mía luʋɔwo le ŋkuwò me;
Ke wò ɖeka ko nya ‘me si
Dze klo ɖe ŋkuwò me vavã
Eye ‘ƒe dzi le gbɔwò hã.

Stanza 2
Wò gbɔgbɔ la ko dea vovo
Gbagbewo kple kukuwo me.
Ke míele kuku ɖem na wò,
Nàna wò lɔlɔ̃nu nyui mí!
Na wò yɔyɔ ƒe ŋusẽ la
Natrɔ mí katã ƒe dzi me!

Stanza 3
Ðe nu vɔ̃ gba la le mía dzi,
Ne míavo tso nu vɔ̃wo me!
Egbe ne míese wò gbe la,
Na míatrɔ míaƒe dziwo me!
O, kpe ɖe mía ŋu, nàɖe mí
Tso gakpodzo bibi la me!

Stanza 4
Wò Aƒetɔ, so ƒle mí la,
Nàɖe mí tso nu vɔ̃ me keŋ!
Mí ame siwo katã ta
Wò, ɖela Yesu, ku ɖo la,
Na míaƒe luʋɔwo katã
Nava gbɔwò le mavɔ me!

LEAVE A REPLY

Please enter your comment!
Please enter your name here