GEC EWE Hymn

GEC Ewe Hymn 222

Stanza 1
Mawu, ɖo ŋku dzinye,
Le wò dɔmenyonyo nu!
Esiae nye nya nyui,
Si ateŋ afa ‘kɔ nam.
Nyemavɔ̃ fukpekpe
Aloo hiãtutu o,
Ðe ko mado ɣli be:
Mawu, ɖo ŋku dzinye!

Stanza 2
Mawu, ɖo ŋku dzinye!
Ne wò, Fofo lɔlɔ̃tɔ,
Kpɔ viwò dzi nyuie la,
Manɔ agbe dedie tsã.
Mekpɔ kakaɖedzi,
Be màŋlɔm be kpɔ o;
‘Ya ta mado ɣli be:
Mawu, ɖo ŋku dzinye!

Stanza 3
Mawu, ɖo ŋku dzinye!
Ne wò mele gbɔnye o,
Nyemakpɔ ‘kɔfafa
Kpakple dzudzɔ ɖeke o.
Nye xɔla lɔlɔ̃tɔ,
Wò mee nye dzudzɔ le!
Mele kuku ɖem be:
Mawu, ɖo ŋku dzinye!

Stanza 4
Mawu, ɖo ŋku dzinye!
Ke mègabu nye nu vɔ̃,
Si ɖea fu nam la, o,
Ke boŋ kpɔ nye nublanui!
Vinyenye la bu ɖem
To nu vɔ̃ wɔwɔ me.
Nu sia ele veyem;
Mawu, ɖo ŋku dzinye!

Stanza 5
Mawu, ɖo ŋku dzinye!
Ne menye vɔ̃wɔla hã,
Yesu nye nye Ðela,
Ame si ku ɖe tanye.
Ne abosam di be,
Yeagblẽ nye luʋɔ la,
Mado ɣli sesiẽ be:
Mawu, ɖo ŋku dzinye!

Stanza 6
Mawu, ɖo ŋku dzinye!
Kpakple wò yayra gã la!
Kpɔ aƒewo dzi nyuie
Ne woazu nɔƒe na wò!
Na wò Gbɔgbɔ Kɔkɔe
Nava nɔ nye dzi me!
Se nye kukuɖeɖe:
Mawu, ɖo ŋku dzinye!

Stanza 7
Mawu, ɖo ŋku dzinye!
Le nye fukpekpewo me!
Ne nu sia nu gblẽm ɖi
Le gaƒoƒo mamlɛa me,
Ne mele kuku ge,
Mègagblẽm ɖi kpɔ o!
Meɖe kuku na wò:
Mawu, ɖo ŋku dzinye!

LEAVE A REPLY

Please enter your comment!
Please enter your name here