GEC EWE Hymn

GEC Ewe Hymn 219

Stanza 1
Mawu tsɔ ɖe mía gbɔ;
Mina míado gbe ɖa
Le vɔvɔ̃ kɔkɔe katã me!
Mawu le mía dome;
Mina míazi ɖoɖoe,
Eye míabɔbɔ mía ɖokui!
Míado ɖe
Eŋku me,
Atsyɔ mía mo anyi,
Atsɔ míaƒe dzi nɛ!

Stanza 2
Mawu le mía dome,
Ame si dɔlawo
Subɔna zã kpakple keli.
Kɔkɔe, kɔkɔe, kɔkɔe
Enye ha mavɔ, si
Wo katã wole dzidzim nɛ.
Mawu, se
Míaƒe gbe,
Si mí vɔ̃wɔlawo
Le dodom ɖa na wò!

Stanza 3
Míegbe nu vɔ̃ katã,
Xexemedzidzɔwo
Kple eme nu dzodzrowo hã.
Míetsɔ míaƒe agbe,
Ŋutilã kple luʋɔ
Kple lɔlɔ̃nu ke Aƒetɔ.
Yehowa,
Wò ɖeka
Koe nye míaƒe Mawu,
Si ɖeka ko míabu!

Stanza 4
Aƒetɔ! Nɔ menye,
Na nye dzime nanye
Nɔƒe kɔkɔe na wò tegbee!
Va, nɔ gbɔnye, Yesu;
Na ŋutinye nakɔ,
Matsɔ lɔlɔ̃ akafu wòe!
‘Fi sia ‘fi,
Si mele,
Na maɖo ŋku dziwò
Eye masubɔ wò!

LEAVE A REPLY

Please enter your comment!
Please enter your name here