GEC EWE Hymn

GEC Ewe Hymn 218

Stanza 1
O, nye ɖela, Yesu Kristo,
Kpɔm ɖa, mele ŋkuwò me.
Nuxaxa kple avifafa
Metsɔ do ɖe ŋkuwò me.
Mele diwòm, na makpɔ wò;
Mègaɣla wò mo ɖem o!

Stanza 2
Yesu, nye ɖela, kpɔ dzinye,
Wɔm, ale si dze ŋuwò.
Wòe ƒlem kpakple asi sesẽ,
Eye nètsɔm wɔ tɔwòe.
Mele diwòm, na makpɔ wò;
Nye didi nanyo ŋuwò!

Stanza 3
Wò, nye Ðela, wò dzigbɔ la
Ekɔ keŋ wu ye gɔ̃ hã.
Ke ne mekpɔ nye dzigbɔ la,
Vɔ̃ ko mekpɔna le me.
Mele diwòm, na makpɔ wò;
Nàna dzi kɔkɔe nye hã!

Stanza 4
Ne mele gbe dom ɖa na wò
Le nye fu me la, ɖo tom!
Eye ne nye luʋɔ la hã
Le konyi fam la, xɔ nam!
Mele diwòm, na makpɔ wò
Wò ko dim nye luʋɔ le.

Stanza 5
Xexe vɔ̃ sia me nu vlowo,
Nudzroame kpakple bubu
Menye nye dzi ƒe didi o,
Dziƒonuwo dim wòle.
Mele diwòm, na makpɔ wò
Ne mekpɔ wò ko, enyo!

LEAVE A REPLY

Please enter your comment!
Please enter your name here