GEC EWE Hymn

GEC Ewe Hymn 217

Stanza 1
Zi ale si mel’a-fii,
Ne tetekpɔwo tum,
I: Mado ɣli kpe veve be:
O, kpɔ nye nublanui! :I

Stanza 2
Ne menyɔ le ŋdi kanyaa,
‘Ye memlɔ ‘nyi zã la,
I: Magblɔ na Mawu bena:
O, kpɔ nye nublanui! :I

Stanza 3
Ne megayi nye dɔ dzi,
Na be wòayi dzi nyuie
I: Eye na nunya geɖem:
O, kpɔ nye nublanui! :I

Stanza 4
Ne xexeme be yeablem
Ade nu vɔ̃ me la,
I: Mado ɣli ayɔ wò be:
O, kpɔ nye nublanui! :I

Stanza 5
Ne nu vɔ̃wo ɖe fu nam,
Be woaɖu dzinye la,
I: Ekem maɖo ŋku dziwò:
O, kpɔ nye nublanui! :I

Stanza 6
Nenye nye gbedodoɖa
Kple xɔse nu fa la,
I: Wò Gbɔgbɔ la naxɔ nam:
O, kpɔ nye nublanui! :I

Stanza 7
Ne mefa ‘vi le fu me
Le wò tohehe ta,
I: Mado ɣli abe vi ‘ne:
O, kpɔ nye nublanui! :I

Stanza 8
Ne tela na xexeme
Zu veve sɔŋ ko nam,
I: Mado ɣli kple xɔse be:
O, kpɔ nye nublanui! :I

Stanza 9
Ne nye dzi do ŋɔdzi nam,
Be Mawu gblẽm ɖi la,
I: Manɔ ɣli dom ko ɖaa be:
O, kpɔ nye nublanui! :I

Stanza 10
Gaƒoƒo mamlɛtɔ me
Nye ɖela ƒe ʋu la
I: Naklɔ ŋutinye dzadzɛ:
O, kpɔ nye nublanui! :I

LEAVE A REPLY

Please enter your comment!
Please enter your name here