GEC EWE Hymn

GEC Ewe Hymn 215

Stanza 1
Kpɔ ɖa, medo ɖe ŋkuwò me;
Hem ɖe wò fiazikpui ŋu;
Ðatsiwo kple didi nyuiwo,
Metsɔ vɛ na wò, ɖela!
I: Na makpɔ wò, :I
Nye, si nye anyi kpl’a-fi!

Stanza 2
Mele yɔwòm, trɔ ɖe ŋunye,
Kplɔm le wò nunya la nu!
Wò, wò ɖeɖe ko dim mele;
Wòe ƒlem kple asi sesẽ,
I: Na makpɔ wò, :I
Nɔ menye, tsɔm wɔ tɔwòe!

Stanza 3
Wò amenuveve la ko
Ŋuti meku ɖo vevie,
Si nènaa ame si nèlɔ̃
Eye eya hã lɔ̃a wò.
I: Na makpɔ wò, :I
Wò koe ƒo nu sia nu ta!

Stanza 4
Lɔlɔ̃ dzadzɛ abe ɣe ‘ne,
Eyɔ wò dzi me fũu ɖaa.
Nu vɔ̃ ƒe aɖi vɔ̃ɖitɔ
Si hea ku vɛ la ɖom keŋ.
I: Na makpɔ wò, :I
Wɔ dzi yeye ɖe menye!

Stanza 5
Ðo to, se nublanuiha la
Si nye luʋɔ le dzidzim!
Mebɔbɔ ɖokuinye na wò;
Viwò la le yɔwòm be:
I: Na makpɔ wò, :I
Wò ŋuti nye dzi ku ɖo!

Stanza 6
Xexe sia me nu dzodzrowo:
Kesinɔ, bubu, dzidzɔ,
Wodea veve ko nye dzi me;
Agbe mavɔ dim mele.
I: Na makpɔ wò, :I
Medzra nye dzi ɖo na wò!

LEAVE A REPLY

Please enter your comment!
Please enter your name here