GEC EWE Hymn

GEC Ewe Hymn 212

Stanza 1
Mexɔ wò ŋutilã kple ʋu kɔkɔe la;
Azɔ mekpɔ wò xɔxɔ kple agbe la.
Wò, Yesu, si melɔ̃na, lé nye asi;
Nɔ anyi kpakplim!

Stanza 2
Wòe nye weinti la, nyea menye wò alɔ;
Azɔ megawɔ ɖeka kpli wò, xɔla,
Eye megade ha kple wò nusrɔ̃la
Kple xɔsetɔwo.

Stanza 3
Azɔ ètsɔ nye nu vɔ̃wo katã kem,
Le xɔse me menyae be, nye xɔla ɖem;
Mawu gaxɔm le Kristo me, sia nye
Nye akɔfafa.

Stanza 4
Wogado ŋusẽm na ‘gbe yeye nɔnɔ.
Kpe ɖe ŋunye, ne nye gbɔgbɔ kple luʋɔ
Kple nye ŋutilã siaa woasubɔ Mawu
Kple dzidzɔ vavã.

Stanza 5
Menyae be, magafɔ ɖe tsitre gbea-ɖe,
Ahayi nye Aƒetɔ gbɔ le dziƒo;
Nyemable ɖe ku si me o, elabe
Meɖu agbe la.

Stanza 6
Nye hã kple kɔkɔetɔwo ƒe ha míakpɔ
Dzidzɔ le srɔ̃ɖekplɔ̃ɖoɖo gã la ŋu;
Gama makafu Mawu kple alẽvi,
Si ku nam, le ɖaa.

Stanza 7
Wò ko melɔ̃, nyemagagblẽ wò ɖi o,
Do ŋusẽm, bene magafa konyi o;
Boŋ maklã nye ŋutilã ɖe ati ŋu
Kpe ɖe ŋutiwò.

Stanza 8
Nɔ menye, Xɔla, nye hã manɔ mewò;
Tɔ, na manɔ wò ŋutinuwo dome;
Dzra nye xɔse ɖo nam, ne nye ketɔwo
Nagaɖu dzi o!

Stanza 9
Aƒetɔ, na nye xɔse la nase ŋu,
Eye wòatse gbɔgbɔmeku geɖewo
Ale be, le fu kpakple xaxa me hã
Manɔ yowòme

Stanza 10
Le wò dzɔdzɔenyenye kple fukpekpe ta,
Le wò fɔmaɖiku kpl’a-vuléle ta,
O Yesu, na nye hã makpɔ dziɖuɖu
Kple fiakuku la!

LEAVE A REPLY

Please enter your comment!
Please enter your name here