GEC EWE Hymn

GEC Ewe Hymn 209

Stanza 1
Mina míadzra mía ɖokui ɖo;
Míayi Yesu ƒe kplɔ̃ ŋuti
Be míaxɔ dziƒonuɖuɖu,
Si woɖo anyi ɖi na mí!
Ame si le mía yɔm ɖa la,
Eya nye agbefia la;
Ele didim be yeanyi mí;
Eya ŋuti dzi nadzɔ mí!

Stanza 2
Míedze eƒe yɔyɔ la o,
Vɔ̃ɖitɔwo sɔŋ ko míenye;
Míewɔ eƒe gbe dzi hã o,
Tosẽlawo sɔŋ ko míenye.
Gake eya nye mía xɔla,
Eya eku ɖe mía teƒe,
Tsɔ eɖokui sa vɔe ɖe mía ta,
Be ‘ƒe ʋu naklɔ mía ŋuti.

Stanza 3
Abolo, si woka na mí,
Eyae nye eƒe ŋutilã;
Eƒe ʋu, si ɖuɖu na mí,
Eyae nye wein, si míenona.
Ne míexɔe kple míaƒe nu ko,
Míexɔ ‘ƒe ŋutilã kple ʋu.
Ne míekpɔ nuɖuɖu sia la,
Míeɖoa ŋku eƒe ku dzi hã.

Stanza 4
Xɔ abolo sia, ne nàɖu,
Ado ŋusẽ wò dzixɔse.
Xɔ kplu sia, ne nàno wein la,
Ana agbe mavɔ la wò.
Ne míexɔ esia dzi se la,
Aɖe míaƒe nu vɔ̃wo ɖa,
Axɔ mí le ku mavɔ si,
Akplɔ mí ayi dziƒoƒe.

Stanza 5
Míeda akpe na wò, Yesu,
Esi nèku ɖe mía teƒe
Helɔ̃ mí vevie ale ta.
Na wò lɔlɔ̃ la ƒe ɖe mí!
Míawo hã míalɔ̃ mía nɔewo,
Míagbe fuléle kple nu vɔ̃,
Bene míadze yowòme ko
Halase míaƒe kugbe ke.

LEAVE A REPLY

Please enter your comment!
Please enter your name here