GEC EWE Hymn

GEC Ewe Hymn 208

Stanza 1
Nye dzi, wò dzidzɔvudo ɣla
Ðe Yesu ƒe fukpekpe me.
Va, nàtsi wò tsikɔ la nu
Le agbefia la ƒe kplɔ̃ ŋu!
Bena ɖela le asinye,
Ame si na dzimefafam,
Tsɔ eƒe dzɔdzɔenyenye kem:
Esia nye nye dzidzɔ mavɔ.

Stanza 2
Ne medi Yesu vevie ko,
Enɔa ‘nyi kpakplim gbe sia gbe;
Edoa ŋusẽ nye luʋɔ ɖaa
Le nye dziƒomɔzɔzɔ me,
Bena: ɖela le asinye,
Eya ɖeɖe ɖi ƒo nam keŋ.
Nyemehiã xɔla bubu o;
Yesu, si ku nam, ko malɔ̃.

Stanza 3
Gake medi Aƒetɔ la
Ƒe fiẽnuɖuɖu kɔkɔe hã;
Afi sia mía kplii míabla nu,
Si nyemaŋlɔ be akpɔ o.
Ẽ, vavã ɖela l’aɔ̃sinye,
Esi ɖem tso abosam si,
Be mazu ame kɔkɔe nɛ;
Alea eƒe nya la gblɔ nam.

Stanza 4
Xexeame kple nye nu vɔ̃wo
Nana ɖeɖi tea ŋunye ɖaa;
Wobleam hefluam enuenu,
Be magaxɔ nya sia se o
Bena: ɖela le asinye
Si kplɔam eye wòkpɔa dzinye
Esi lɔ̃am hetsɔa nu vɔ̃ keam
Henaa agbe kpakple ŋusẽm.

Stanza 5
Lɔlɔ̃ mavɔ, mekafu wò
Bena, nèkpɔ nye nublanui.
Dzimaxɔmaxɔse egblẽm;
Ke èɖia ɖase nam l’ afi
Bena: ɖela le asinye,
Esi yi ɖe fukpekpe me,
Yi ku kple yɔdo me gɔ̃ hã,
Be yeaɖem tso fiƒode me.

Stanza 6
Azɔ ne nane gadi be,
Yeaɖe fu nam alo ahiãm;
Ne nye ŋusẽ nu be yeatsi,
Maɖo ŋku esia ko dzi ɖaa
Bena: ɖela le asinye,
Si tso dzigbe ɖase kugbe,
Yi fiazi dzi ke hã, enye
Nye vɔ̃wɔla la tɔ godoo!

LEAVE A REPLY

Please enter your comment!
Please enter your name here