GEC EWE Hymn

GEC Ewe Hymn 205

Stanza 1
Le Yesu Kristo, mía ɖela,
Mía ‘vulèla ƒe ŋkɔ la me,
Mí xɔsetɔwo míekpe ta,
Be míaxɔ mi ɖe ha la me.

Stanza 2
Mieɖo nubabla me kpli mí,
Minɔ eme nyateƒetɔe!
Dzidzɔ kple fukpekpe me siaa
Minɔ mia xɔla yome ɖaa!

Stanza 3
Etsɔa eɖokui kea mí faa
Le nuɖuɖu kɔkɔe la me,
Ne wòanye eƒe lɔlɔ̃ gã
Ƒe kpeɖodzinu mavɔ la!

Stanza 4
Miva, míaxɔ mi kple dzidzɔ!
Aƒetɔ, si nya dzi me la,
Nana miazɔ kekeli me,
Ne wòazu kafukafu nɛ!

Stanza 5
Mía Mawu ŋ’tɔ nakɔ mia ŋu,
Ne mianye hameviwo nɛ;
Miasubɔe ɖaa nyateƒetɔe
Yi ɖa se ŋkeke mlɔɛ la dzi!

LEAVE A REPLY

Please enter your comment!
Please enter your name here